«مِلک اژدادی»؛ سروده‌ای برای مردم غزه
به گزارش پایگاه خبری تاف‌نیوز، مثنوی لکی مِلک اژدادی سروده شاعر لرستانی محمدجواد قیاسی از زبان مردم مظلوم غزه، خطاب به آمریکا و اسرائیل جنایتکار که پس از تخریب و کشتار بی‌رویه، شعار بازسازی غزه را سر می‌دهند، می‌باشد که تقدیم مخاطبان می‌شود.
مِن اَژ ایرَه نِمَچِم، مِلکِ اَژدادیم نِمِیلمَر جا
حُمال‌شادکئ‌م اگر هار پِشتی، آبادیم نِمِیلمَر جا
تو بوش دِهٔ‌کورَه بو، وِیرونَه بو ائ مالَه، عِو نیری
مِهٔ چَه‌‌بکَم؟! باخِم اَر بی‌باره، حُشکَه‌سالَه، عِو نیری
مَمینِم تا پیاداری وِژِم ثابت کَم اَر شِئطون
تا گِچ‌پِئنه اَ وَر دین هُرت‌نیاشتِن، گِت کَم اَر شِئطون
مَمینِم تا بِکالِم یَک‌دو تویلَک [تین] و [والزِّیتون]
چِکِر بِهٔ طُئمِ سَروِم اَر قَتِلگاه بیدَلِ مجنون
مَمینِم تاگَه نِیلِم پا بِنِن اَر چیت‌وجا ایلِم
ولی آگام ها سَر وژ، تا نَزونِن کَلمِه اژ فِعلِم
بِچِهٔ دَر، کُر حُمال، اِ مِلکِ باوِه و دام و بِن‌کومَه‌م
نِمیلِم گوم بِنین اَر یِه گُلَه خاکِم، مگر لومَه‌م؟
خیالِت کِردیَه هَنگتیمَسَر پِئسی و تنگمونَه؟
سیامالَلمون اَر مِهٔ هِئز گِری وَهٔ دَس تو، نَنگمونَه
تو لُطفِت دَردِسَر دیری، فرِه و کَم، جات نیَه‌ر ایرَه
اگر ائ خاکَه مِهٔ قورِ مِه بو، هَم جات نیَه‌ر ایرَه
نَجیمی اَسپِ نوزین و قُساقی مولَه نی‌ن ار یک
بِچو دوسِ دروزِن، دوسی و چاپچولَه نی‌ن ار یک
بِسَلمونَل بِخَنِن، صهیونیستَل گَپ برائیه مَن
بِگِر ایمَه خَوَر نیریم، مِهٔ بورِنمون اَ گَنَهٔ‌گَن
مَر اِ ویرَه مَچو، اَ خونَلِ اَر روی زمین رشیا
نه! دی پاسا نِماو داخِ اَ طِفلَلِ بی‌گناه کُشیا
هَر اَژ ایرَه نِمَچِم، مِلکِ اَژدادیم نِمِیلمَر جا
حُمالَل هار تِر اَر مِهٔ بُؤن، مِه آبادیم نِمِیلمَر جا
مِجالِ داری و درمون نیه تا زَئمی خاص آ که
دی وَختَهٔ تَک‌سُوارِ آلِ هاشِم بِائ، تقاص آ که
ارسال دیدگاه